Oʻzbekiston Statistika agentligi maʼlumotlariga koʻra, 2024-yilda havo transportidan foydalangan yoʻlovchilar soni 6 millionga yetgan. Bu 2023-yilga nisbatan 14,9 foizga (yoki 781 ming yoʻlovchiga) koʻpdir.
Taqdim etilgan maʼlumotlarga koʻra, soʻnggi yillarda yoʻlovchilar oqimining barqaror oʻsishi kuzatilmoqda. 2020-yilda jami 868,9 ming yoʻlovchi tashilgan boʻlsa, 2021-yilda bu koʻrsatkich 2,98 millionga, 2022-yilda 4,08 millionga, 2023-yilda esa 5,26 millionga yetdi.
Aviayoʻlovchilar sonining koʻpayishi aholining mobilligi ortib borayotganidan va mamlakat aviatsiya tarmogʻining rivojlanayotganidan dalolat beradi.
