Oʻzbekiston strategik islohotlar agentligi tungi iqtisodiyotni rivojlantirishga qaratilgan konsepsiya loyihasini tayyorladi. Tashabbusning asosiy maqsadi - iqtisodiy faollikni kuchaytirish, yangi ish oʻrinlarini yaratish va sayyohlarni jalb qilish.
Saudiyaning Nabd al Hadas nashri maʼlumotlariga koʻra, hujjatni ishlab chiqishda ushbu sektor muvaffaqiyatli rivojlanayotgan turli mamlakatlar tajribasi oʻrganilgan. Konsepsiya kunu tun ishlaydigan gastronomik zonalar, tungi bozorlar, madaniy va koʻngilochar tadbirlar tashkil etish, shuningdek, shahar infratuzilmasini yaxshilash, tungi transportni rivojlantirish va zamonaviy texnologiyalarni joriy etish kabi oʻnta asosiy yoʻnalishni qamrab oladi.
Xavfsizlik choralari kuchaytirilgan, sifatli yoritilgan, zamonaviy avtoturargohlar va sanitariya sharoitlariga ega, tunu-kun ishlaydigan maxsus koʻcha va zonalar tashkil etish rejalashtirilgan. Ularni yuqori sifatli xizmatlar koʻrsatish uchun masʼul boʻlgan ixtisoslashgan kompaniyalar boshqaradi.
Tungi iqtisodiyot koordinatori lavozimini joriy etishga alohida eʼtibor qaratilmoqda. U biznes vakillari bilan hamkorlik qiladi, tadbirlarni muvofiqlashtiradi, koʻrsatilayotgan xizmatlar sifatini nazorat qiladi va infratuzilma ishini nazorat qiladi.
Bundan tashqari, kontsepsiya doirasida foydalanuvchilarni tunu kun mavjud xizmatlar, tungi yoʻnalishlar, tadbirlar va boshqa xizmatlar haqida xabardor qiladigan Night City raqamli platformasini ishga tushirish taklif qilinmoqda.
Eslatib oʻtamiz, avvalroq Oʻzbekiston Strategik islohotlar agentligi tungi iqtisodiyotni rivojlantirishga qaratilgan konsepsiya loyihasini taqdim etgan edi. Ushbu tashabbusning asosiy maqsadi iqtisodiy faollikni kuchaytirish, yangi ish oʻrinlarini yaratish va sayyohlarni jalb qilishdan iborat.
