3-fevral kuni Markaziy bank oltin quymalari va esdalik oltin tangalar narxini yangiladi. 1 gramm qimmatbaho metallning narxi 1,197 mln soʻmdan oshdi.
Jahon bozorida kotirovkaga kichik tuzatish kiritildi. Troya unsiyasi 2779 dollardan sotilmoqda, bu oʻtgan kunga nisbatan 0,6 foizga past.
Markaziy bank aholiga oltin tangalarni 2018-yilda sotishni boshlagan boʻlsa, ikki yildan soʻng ularga oltin quymalar qoʻshildi. Jismoniy xaridorlarga ularni shartlarga rioya qilgan holda Oʻzbekistondan olib chiqishga ruxsat berildi.
Markaziy bankning soʻnggi eʼlon qilgan maʼlumotlariga koʻra, 2023-yil sentyabr oyiga kelib oʻzbekistonliklarning qoʻlida 255 kg oʻlchovli quymalar boʻlgan. Eng koʻp ishlatiladiganlari 10 grammli quymalar boʻldi.
2021−2023-yillar davomida Markaziy bank jami 72 kg boʻlgan beshta seriyadagi 3550 ta oltin esdalik tangalarini zarb etdi. 2024-yil oktyabr oyida regulyator oʻsha paytda chiqarilgan barcha tangalarni sotdi.
