AQSHning Jorjiya shtatida sud Dallas shahrida yashovchi 57 yoshli Vinsent Burelni itlar jangini uyushtirgani va hayvonlarga nisbatan shafqatsiz munosabatda boʻlgani uchun rekord darajadagi 475-yilga ozodlikdan mahrum qildi. Bu haqda 4-fevral kuni NBC News xabar berdi.
Tergov 2022-yilda onlayn-riteyler xodimi rasmiylarga erkakning uchastkasida zanjir bilan bogʻlangan itlar haqida xabar berganida boshlangan. Oʻsha yilning noyabr oyida huquq-tartibot idoralari tintuvga ruxsat oldi va holdan toygan va shafqatsiz munosabatda boʻlgan 107 ta itni topdi. Hayvonlar yomon sharoitda saqlangan: ularda yetarli miqdorda oziq-ovqat, suv va boshpana yoʻq edi va koʻplari tajovuzni keltirib chiqarish uchun bir-biriga juda yaqin bogʻlangan.
Uchastkadan, shuningdek, it janglarini tashkil etish dalillari, jumladan, hayvonlarni mashq qildirish uchun yugurish yoʻlakchasi, maxsus asboblar, faqat veterinarlar foydalanishi mumkin boʻlgan tibbiy preparatlar va itlarni sotish toʻgʻrisidagi hujjatlar topildi.
Burel oʻzining aloqadorligini inkor etadi va hozircha u hukm ustidan shikoyat qilmoqchi yoki yoʻqligi nomaʼlum. Musodara qilingan itlar reabilitatsiya bilan shugʻullanuvchi notijorat tashkilotga topshirildi.
