Xasanov Sharifbek Chiqindilarni boshqarish va sirkulyar iqtisodiyotni rivojlantirish agentligi direktori etib tayinlandi
Prezidentning tegishli qaroriga koʻra, Hasanov Sharifbek Shamsiddinovich Ekologiya, atrof-muhitni muhofaza qilish va iqlim oʻzgarishi vazirligi huzuridagi Chiqindilarni boshqarish va sirkulyar iqtisodiyotni rivojlantirish agentligi direktori etib tayinlandi.
Sharifbek Hasanov 1990-yilda Buxoro viloyatida tugʻilgan. 2013-yilda Buyuk Britaniyaning Kardiff Metropolitan universitetini (bakalavr darajasi) va 2015-yilda Buyuk Britaniyaning Surrey universitetini (magistrlik darajasi) tamomlagan.
Tayinlovga qadar Oʻzbekiston Respublikasi Hisob palatasi, Vazirlar Mahkamasi, turli davlat organlarida ishlagan.
