Ijtimoiy tarmoqlarda Toshkentning Beshyogʻoch koʻchasidagi noyob “Mutaxassislar uyi” madaniy meros obyektlarining yangi roʻyxatida yoʻqligi haqida maʼlumotlar paydo boʻldi.
Koʻchmas mulkning yangi roʻyxati va madaniy meros obyektlarining yangi roʻyxatida “Mutaxassislar uylari” yoʻqligi muammosi eski Toshkent haqidagi Tashkent Retrospective tarixiy-madaniy loyihasi mualliflari tomonidan koʻtarilgan.
“Ular oʻz davrining shaharsozlik didi va modasini ifodalovchi meʼmoriy fazilatlaridan tashqari, oʻziga xos meʼmoriy bezaklarga ega. Bundan tashqari, mashhur fan, sanʼat va adabiyot arboblari yashagan uylar tarixiy obyekt sifatida muhim”, — deya taʼkidladi Qoʻziyev.
Mutaxassis nima sababdan “Mutaxassislar uylari” Oʻzbekiston madaniy merosining birinchi roʻyxatiga kiritilmagani haqidagi savolga javob berar ekan, hozirda Beshyogʻoch koʻchasi, 16- va 18-uylarda joylashgan ikkala “Mutaxassislar uyi” ham madaniy meros obyektlarining reprezentativ roʻyxatiga kiritilganini taʼkidladi.
“Hozirda Madaniy meros agentligi xodimlari tomonidan “Mutaxassislar uylari”ni Oʻzbekiston madaniy merosi milliy roʻyxatiga kiritish uchun zarur tekshiruvlar va pasportlashtirish ishlari olib borilmoqda”, — dedi u.
