Davlat rahbari Shavkat Mirziyoyev Toshkent shahrini Yangiyoʻl, Chinoz va Sirdaryo tumanlari bilan bogʻlaydigan zamonaviy temir yoʻl infratuzilmasini yaratish ishlarini jadallashtirish zarurligiga eʼtibor qaratdi. Bu haqda prezident matbuot xizmati xabar bermoqda.
Yigʻilishda ayni paytda temir yoʻl xizmatlari eksportining qariyb yarmi tranzit tashishlarga toʻgʻri kelayotgani taʼkidlandi. 2030-yilga borib yuk tashish hajmini 22 million tonnaga yetkazish rejalashtirilgan.
Yoʻl boʻyi obyektlari qurayotgan tadbirkorlarga avtomobil yoʻllari boʻyida boʻsh yer maydonlari ajratiladi.
Shuningdek, yirik multimodal logistika markazlari sonini ikki barobar oshirish boʻyicha uch yillik dastur tasdiqlandi.
