2021-yilda SUM yonidagi bogʻni himoya qilgan poytaxt aholisi Shayxontohur tumanida joylashgan “Anhor-Lokomotiv” bogʻini himoya qilish uchun imzo toʻplashni tashkil etdi. Bu haqda “Huk” yozmoqda.
Attraksionlar parki 2016-yilda ochilgan. 2019-yilda uning yonida “Navroʻz” etnoparki paydo boʻldi, u yerda hunarmandlar ustaxonalari va charxpalak joylashgan. Avvalroq “Navroʻz” bogʻi hunarmandlari ijara haqi oshgani sababli doʻkonlarni yopish arafasida turgani va prezidentga murojaat bilan chiqqani haqida yozgandik.
“Xuk” nashrining aniqlik kiritishicha, 2022-yilda park 376,5 milliard soʻmga auksionga qoʻyilgan, biroq uni sotishning imkoni boʻlmagan. Yaqinda ijtimoiy tarmoqlarda bogʻ oʻrnida apart-otel, turar-joy majmuasi va sport markazi qurilishi rejalashtirilayotgani haqida xabarlar tarqaldi.
Petitsiyani istirohat bogʻi hududida joylashgan Axelon karting-klubida har kuni soat 10:00 dan boshlab imzolash mumkin.
Eslatib oʻtamiz, Park Retail MCHJ tomonidan “Anhor” kanali boʻyida turar joy majmuasi qurilishi rejalashtirilayotgani haqida xabar bergandik. Kompaniya sudda yutqazdi, ammo turli urinishlar bilan loyihaga “hayot”ni qaytarishga harakat qildi.
2021-yilda aholi “Moviy gumbazlar” bogʻini qanday saqlab qolgani haqida bu yerda oʻqishingiz mumkin.
