Interpolning Oʻzbekistondagi Milliy markaziy byurosi xodimlari katta miqdordagi oʻgʻirlik va tovlamachilik uchun xalqaro miqyosda qidiruvda boʻlgan 40 yoshli toshkentlik shaxsni ekstraditsiya qilish jarayonini tashkil etdi.
“Dunyo” axborot agentligi maʼlumotlariga koʻra, qidiruvda boʻlgan Oʻzbekiston fuqarosi T.X.M. talaba boʻlgan paytidan beri Misrda yashirinib yurgan. Joriy yilning yanvar oyida u Qohirada Interpol va Misr huquqni muhofaza qilish organlari oʻtkazgan qoʻshma operatsiya davomida qoʻlga olindi.
Eslatib oʻtamiz, 2024-yil dekabr oyida Oʻzbekiston Bosh prokuraturasi bayonot berib, aslen chechenistonlik Bislan Rasayev va Shamil Temirxonov Komil Allamjonovga suiqasd qilishga urinish ishi boʻyicha haqiqatan ham Interpol tomonidan qidiruvga berilganini tasdiqlagandi.
