Sirdaryo viloyati Boyovut tumanida yashovchi fuqaro “Qizil kitob”ga kiritilgan yirtqich qushni noqonuniy ravishda saqlagan, deb xabar beradi Ekologiya vazirligi matbuot xizmati.
Ekologlar “Laylakkoʻl” mahallasida reyd oʻtkazdi. Maʼlum boʻlishicha, fuqaro Ya.A. Oʻzbekiston Qizil kitobiga kiritilgan qora kalxatni tutqunlikda saqlagan.
Erkakka nisbatan maʼmuriy bayonnoma rasmiylashtirilib, 1 mln 875 ming soʻm miqdorida jarima solingan.
Qora kalxat tibbiy koʻrikdan oʻtgandan soʻng ozodlikka chiqariladi.
