O‘zbekiston san’atkorlaridan dinni targ‘ib qilmaslik va o‘zlarini kamtar tutish so‘raldi. Madaniyat vazirligi san’atkorning madaniy-ma’rifiy faoliyat va konsert-tomosha industriyasidagi odob-axloqi muhokamasiga bag‘ishlangan yig‘ilish o‘tkazdi.
Tadbirda Madaniyat vazirining birinchi o‘rinbosari Bahodir Ahmedov, “O‘zbekkonsert” rahbariyati, huquq-tartibot idoralari xodimlari va ijrochilar ishtirok etdi. Yig‘ilishda san’atkorlarning litsenziya talablariga rioya etishi, konsert faoliyati sohasida dinni targ‘ib qilishga yo‘l qo‘ymaslik masalalari ko‘rib chiqildi.
Xorijda yurganda qonunlarga, mamlakat sha’ni va qadr-qimmatiga qat’iy rioya qilish muhimligi haqida so‘z yuritildi. Ijrochilarga "o‘zbek milliy qadriyatlari, axloqi va madaniyati"ni asrab-avaylash muhimligi eslatib o‘tildi. San’atkorlar “hamkasblarning sha’ni va qadr-qimmatiga dog‘ tushirishi” mumkin bo‘lgan tuhmat, bo‘hton va mish-mishlarni tarqatmaslikka chaqirildi.
Shuningdek, ijrochilarni kiyinish madaniyati qoidalariga rioya qilish, milliy urf-odat, qadriyat va an’analarga hurmat bilan munosabatda bo‘lish, “hashamatli hayotdan voz kechish”, jamoat joylarida o‘zini tutish qoidalariga rioya qilishga chaqirdi.
Shuningdek, qo‘shiqlarning mazmuni, mualliflik huquqlarining buzilishi, “Vatanga muhabbat va vatanparvarlik”ni targ‘ib qiluvchi kompozitsiyalarni ko‘paytirish zarurligi haqida so‘z bordi," - deyiladi xabarda.
