O‘zbekistonda 11-14-mart kunlari iliq va asosan quruq ob-havo bo‘lishi kutilmoqda. O‘zgidromet haftalik ob-havo ma’lumotini e’lon qilmoqda.
Faqat Samarqand, Qashqadaryo, Surxondaryo viloyatlarida bugun kunning ikkinchi yarmida va ertaga Surxondaryo viloyatida ba’zi joylarda biroz yomg‘ir yog‘ishi mumkin. Shamol sharqdan 7-12 m/s tezlikda esadi.
Kechasi 4-9, kunduzi 17-20, ayrim joylarda 22 darajagacha iliq bo‘ladi. Respublikaning tog‘li hududlarida 11-12 martda vaqti-vaqti bilan yomg‘ir va qor ko‘rinishidagi yog‘ingarchilik bo‘ladi, 13-14 martda yog‘ingarchilik kutilmaydi.
Bugun va ish haftasining oxirigacha Toshkentda yog‘ingarchilik kutilmaydi. Shamol sharqdan kuchsizdan o‘rtachagacha esadi. Kechasi 6-9, kunduzi 17-20 daraja iliq bo‘ladi.
