14-mart kuni Nukusda propan tashiyotgan gaz sisternali yuk mashinasi ishtirokida YTH sodir bo‘ldi. FVV xodimlari propan sizib chiqishi va uning mumkin bo‘lgan oqibatlarining oldini olishdi.
Dastlabki ma’lumotlarga ko‘ra, MAN rusumli yuk mashinasi haydovchisi boshqaruvni yo‘qotib, yo‘l to‘sig‘ini buzib o‘tgan va chiroq ustuniga urilgan, shundan so‘ng yuk mashinasi yonboshiga ag‘darilgan.
Voqea joyiga darhol FVV xodimlari yetib kelishdi va tezkor choralar ko‘rib, maxsus texnikalar yordamida hodisaning xavfli oqibatlarini bartaraf etishdi. Xavfsizlikni ta’minlash maqsadida huquq-tartibot organlari ham yo‘lning bir qismida harakatni vaqtincha to‘xtatib qo‘yishdi.
