25-mart kuni Yangiyoʻl shahrining “Baxt” mahallasidagi 5-sonli bolalar bogʻchasining tomiga qurilishdan chiqqan koʻtarma kran oʻqi kelib tushgan. Bu haqda Toshkent viloyati OʻMKHB matbuot xizmati xabar bermoqda.
Dastlabki maʼlumotlarga koʻra, hodisa yomgʻir tufayli sodir boʻlgan. Oʻqning tushishi natijasida binoning tomiga jiddiy zarar yetdi. Voqea joyiga yetib kelgan FVB xodimlari oʻqni demontaj qilishdi.
Qurilish tashkiloti tomni taʼmirlashga kirishdi va tiklash ishlarini uch kun ichida yakunlashga vaʼda bermoqda. Bogʻcha faoliyati vaqtincha toʻxtatilgan. Hodisa oqibatida hech kim jabrlanmagan.
