AQSH prezidenti maʼmuriyati Amerika qurollarini eksport qilish qoidalarini yumshatish toʻgʻrisidagi farmonni qabul qilish imkoniyatini koʻrib chiqmoqda, deb xabar bermoqda Reuters nashri.
Shu bilan birga, bu farmon 2024-yilda AQSH prezidentining milliy xavfsizlik boʻyicha amaldagi maslahatchisi Mayk Uolts tomonidan taklif qilingan qonun loyihasiga oʻxshash boʻladi.
Hozirda AQSH maʼmuriyati boshqa davlatga 14 mln dollardan ortiq miqdorda qurol-yarogʻ yetkazib berishda, shuningdek, 50 mln dollardan ortiq miqdorda harbiy mahsulot yoki xizmat koʻrsatishda kongress roziligini soʻrashi kerak. Uoltz bu miqdorni birinchi holatda 23 mln dollargacha, ikkinchisida 83 mln dollargacha oshirishni taklif qilgan.
Farmonning qabul qilinishi Lockheed Martin, RTX Corp va Boeing kabi yirik mudofaa pudratchilarining savdosini oshirishga yordam berishi mumkin.
