Raqobatni rivojlantirish qoʻmitasi Uzum Tezkor kompaniyasini Oʻzbekistonda ustun mavqega ega deb topdi.
“Uzum Tezkor” MCHJ XK tayyor oziq-ovqat va boshqa isteʼmol tovarlariga buyurtma berish va yetkazib berish boʻyicha agregator xizmatlari bozorida ustun mavqega ega boʻlgan raqamli platforma operatori sifatida eʼtirof etildi. Bunga Uzum Tezkor bozorda yuqori koʻrsatkichlarga erishgani toʻgʻrisida Qoʻmitaga bildirishnoma yuborgani asos boʻldi.
Shuningdek, raqobat toʻgʻrisidagi qonun hujjatlariga muvofiq ustun mavqeni suiisteʼmol qilish holatlarining oldini olish maqsadida ustun mavqeni egallab turgan raqamli platforma operatoriga nisbatan majburiy tartibda monopoliyaga qarshi komplayens tizimi joriy etiladi hamda tegishli monitoring olib boriladi.
