Oʻzbekistonning Janubiy Koreyadagi elchixonasi vatandoshlardan turli namoyishlar va ommaviy yigʻilishlarda ishtirok etmaslikni, odamlar toʻplanadigan joylarga bormaslikni soʻragan.
Soʻnggi kunlarda Janubiy Koreyada ommaviy namoyishlar va mitinglar boʻlib oʻtmoqda. Shu munosabat bilan Oʻzbekistonning ushbu mamlakatdagi diplomatik vakolatxonasi fuqarolarga murojaat qilib, ularni ehtiyot boʻlishga chaqirdi.
Zarurat tugʻilganda Oʻzbekiston fuqarolari quyidagi telefon raqamlariga murojaat qilishlari mumkin:
+82 10 3213 4505;
+82 10 2909 4334;
+82 2 574 6554.
Eslatib oʻtamiz, Koreya Konstitutsiyaviy sudi 4-aprel kuni prezident Yun Sok Yolga nisbatan impichment ishi boʻyicha qaror chiqaradi. Yigʻilish ochiq formatda boʻlib oʻtadi va jonli efirda namoyish etiladi. Qayd etilishicha, Yun Sok Yol oʻz lavozimida qolish-qolmasligini aynan sud hal qiladi.
