Markaziy bank Oʻzbekiston toʻlov xizmatlari ayrim turdagi operatsiyalar ustidan nazoratni kuchaytirishi kerakligi haqidagi maʼlumotga aniqlik kiritdi.
Ichki nazorat qoidalarining 312-bandiga koʻra, BHMning 30 baravari (11,2 mln soʻm) ga teng yoki undan ortiq miqdordagi elektron pullarni ichki pul oʻtkazmalarini amalga oshirishda oʻtkazma toʻgʻrisidagi maʼlumotlar joʻnatuvchining identifikatsiya maʼlumotlari bilan birga oʻtkazilishi taʼminlanishi kerak.
Ushbu talab mijozlar uchun qoʻshimcha qiyinchiliklar tugʻdirmaydi, chunki u faqat toʻlov tashkilotlari va banklar oʻrtasida axborot almashish majburiyatiga taalluqlidir.
Talab shuni anglatadiki, hisob ochilganda olingan mavjud identifikatsiya maʼlumotlari BHMning 30 baravariga teng yoki undan oshadigan miqdordagi ichki elektron pul oʻtkazmalariga hamroh boʻlishi kerak, deyiladi xabarda.
