Oʻzbekistonda Leapmotor brendi ostidagi elektromobillar qayta sinovdan oʻtkaziladi. Bu haqda Texnik jihatdan tartibga solish sohasida nazorat inspeksiyasiga tayanib, Kun.uz xabar bermoqda.
Leapmotor kompaniyasiga qoʻyilgan cheklov boʻyicha muzokaralar davom etmoqda. Yaqin kunlarda Xitoy kompaniyasi mutaxassislari Oʻzbekistonga keladi. Ular ishtirokida avtomobillar qayta sinovdan oʻtkaziladi.
O‘zbekistonda Leapmotor sertifikatini olish uchun arizalar S16 modelida aniqlangan qoidabuzarliklar tufayli to‘xtatildi. Ushbu transport vositasi tomonidan yaratilgan elektromagnit xalaqitlar darajasi ruxsat etilgan me’yordan 16 baravar yuqori.
