5-aprel kuni Shavkat Mirziyoyevning Ozarbayjon prezidenti Ilhom Aliyev bilan telefon orqali muloqoti boʻlib oʻtdi.
Davlat rahbarlari ikki va koʻp tomonlama munosabatlarning dolzarb masalalarini muhokama qildilar.
Savdo-iqtisodiy, investitsiyaviy va gumanitar sohalardagi kooperatsiya loyihalari va dasturlarini amalga oshirishni jadallashtirishga alohida eʼtibor qaratildi.
Boʻlajak oliy darajadagi uchrashuvlar rejasi koʻrib chiqildi.
Mintaqaviy, shu jumladan Turkiy davlatlar tashkiloti va Iqtisodiy hamkorlik tashkiloti doirasidagi hamkorlik masalalari yuzasidan ham fikr almashildi.
