Islom Ismoilov boshchiligidagi Oʻzbekiston U-17 terma jamoasi Jahon chempionatiga yoʻllanmani qoʻlga kiritdi.
Saudiya Arabistonida oʻtayotgan U-17 Osiyo kubogi “A” guruhi 2-turi doirasida Oʻzbekiston terma jamoasi Xitoy U-17 terma jamoasiga qarshi bahs olib bordi va 2:1 hisobida gʻalaba qozondi.
33-daqiqada raqiblar hisobni ochdi - yarimhimoyachi Chendu Chjan jamoasining uzoq davom etgan hujumidan soʻng uzoq ustundagi uzatmani muvaffaqiyatli amalga oshirdi — 0:1.
Birinchi boʻlimning hakam tomonidan qoʻshib berilgan 45+1-daqiqasida hujumchi Sadriddin Hasanov jarima maydoni ichida Abdullo Fazliddinovning uzatmasiga sakrab chiqib bordi va aniq zarbasi bilan hisobni tenglashtirdi — 1:1.
Zaxiradan maydonga tushgan hujumchi Asilbek Aliyev esa oʻzbekistonliklarga gʻalaba keltirdi. 83-daqiqada u yuqori kurashda gʻalaba qozondi va boshi bilan darvozaning uzoq burchagini ishgʻol qildi — 2:1.
Ushbu irodali gʻalaba tufayli oʻzbekistonliklar muddatidan oldin turnirning pley-off yoʻllanmasini, shuningdek, Qatarda boʻlib oʻtadigan yoshlar oʻrtasidagi jahon chempionati va 2026-yilgi Osiyo kubogi yoʻllanmalarini qoʻlga kiritdi.
