Oʻzbekistonda omonatlarni sugʻurtalash tizimi yangilandi, kafolatlangan summa chegarasi bir bank uchun 200 mln soʻm etib belgilandi. Yangilik faqat yangi depozitlarga taʼsir qiladi, mavjudlari uchun esa avvalgi shartlar saqlanib qoladi.
Markaziy bank depozit hisobvaraqlarini yopishda fuqarolarga mablagʻlarning kelib chiqishi toʻgʻrisidagi maʼlumotnomalarni taqdim etish shart emasligini maʼlum qildi. Avvalroq ijtimoiy tarmoqlarda baʼzi banklar tomonidan bunday talablar qoʻyilgani haqida xabarlar tarqalgan edi, biroq Markaziy bank bunday holatlar kamdan-kam uchrashini maʼlum qildi. Moliyaviy muassasalar ham mijozlarning omonatlarini yechib olishda qoʻshimcha hujjatlar talab qilinmasligini tasdiqladi.
Asosiy voqealardan birinchi boʻlib xabar topish uchun Telegram kanalimizga obuna boʻling.