Shavkat Mirziyoyev va Vladimir Putin telefon orqali suhbatlashdi. Davlat rahbarlari ikki tomonlama aloqalarni mustahkamlash masalalarini koʻrib chiqib, Ukraina va Suriyadagi vaziyat yuzasidan fikr almashdi.
10-dekabr kuni Shavkat Mirziyoyev ishtirokida yigʻilish boʻlib oʻtdi. Yigʻilishda yer uchastkalaridan foydalanishni optimallashtirish chora-tadbirlari toʻgʻrisidagi masalalar muhokama qilindi. Asosiy eʼtibor ish oʻrinlarini koʻpaytirish, investitsiyalarni jalb qilish va infratuzilmani yaxshilashga qaratildi.
Prezident yozgi taʼtilda oʻqish va pul ishlash maqsadida Yevropa mamlakatlariga tashrif buyurish — Work and Travel kabi dasturlardan foydalanish imkoniyatini kengaytirishni topshirdi. Yoshlar ishlari agentligi ishtirokchilarga parvoz xarajatlarini qoplash uchun ssudalar ajratadi.
Shavkat Mirziyoyev Navoiy viloyatining joriy rivojlanish koʻrsatkichlaridan noroziligini bildirdi va rejalarni qayta koʻrib chiqishni topshirdi. Hukumat ishsizlarni zamonaviy kasblarga oʻqitishni tashkil etish hamda ularni Oʻzbekistonda va xorijda yuqori maoshli ish bilan taʼminlashni maqsad qilgan.
Prezident Shavkat Mirziyoyev Toshkent–Xoʻjakent yoʻnalishi boʻyicha yangi elektropoyezdni koʻzdan kechirdi. Safar chogʻida davlat rahbari temir yoʻl infratuzilmasini rivojlantirish, yoʻlovchilar uchun sharoitlarni yaxshilash, yoʻl boʻyidagi hududlarni obodonlashtirish boʻyicha hisobotlarni tingladi.
Oʻzbekiston prezidenti Shavkat Mirziyoyev Qirgʻiziston prezidenti Sadir Japarovga qoʻngʻiroq qilib, uni tugʻilgan kuni bilan tabrikladi. Japarov 56 yoshga toʻldi.