Бу ҳақда E-auksion сайтида хабар берилди.
Маълумотларга кўра, бино Чилонзор тумани Қатартол кўчасида жойлашган. Сотиш ҳақидаги қарор акциядор томонидан 2022 йилда қабул қилинган ва банк бошқаруви томонидан 2023 йил март ойида тасдиқланган.
1995 йилда қурилган мажмуа 0,5 гектар майдонни эгаллаган бўлиб, учта олти, беш ва икки қаватли офис биноларини ўз ичига олади. Биноларнинг умумий майдони 9242 квадрат/метрни ташкил қилади, улардан 7049 квадрат/метр майдон фойдаланиш учун яроқли.
Қайд этилишича, электр, сув ва канализация тизими бор, лекин газ йўқ. Бино билан бирга умумий қуввати 50 кВт бўлган томга ўрнатилган фотоэлектр панеллар ҳам сотилади.
Объектнинг бошланғич баҳоси – 114,01 миллиард сўм. Аукцион 8 февраль куни соат 10:00 да бўлиб ўтади, аризалар ўша куни соат 9:00 гача қабул қилинади.
