Россиянинг Ярославл вилоятидан Ўзбекистонга парвозлар йўлга қўйилади
Россиянинг Ярославл вилояти губернатори ҳудуд марказидан Ўзбекистонга авиақатновлар йўлга қўйилишини маълум қилди.
Ярославл шаҳридаги Туношна аэропорти Ўзбекистонга рейсларни йўлга қўйишни режалаштирмоқда, деб маълум қилди TASS агентлигига вилоят губернатори Михаил Евраев.
Шунингдек, Туношнадан Арманистон, Беларус, Туркия ва Россиянинг бошқа шаҳарларига, хусусан, Москва ва Екатеринбургга парвозларни ташкил этиш ишлари олиб борилмоқда.
2023 йил ёзида Ярославл вилояти раҳбари Ўзбекистон билан тўғридан-тўғри рейслар йўлга қўйиш бўйича қизиқиш билдирганди.
Туношна аэропорти 1998 йилдан бери ишлайди ва Туношна қишлоқ аҳоли пунктида жойлашган. 2023 йилнинг биринчи чораги якунига кўра, аэропорт 18,7 минг йўловчига хизмат кўрсатган.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.