НАТО Россия билан тўқнашувни кутмоқда: Польша аллақачон немис қўшинларини мамлакатда жойлаштиришга рози бўлган

Bild немис қуролли кучларининг «махфий ҳужжати»га таяниб, Россия НАТОнинг шарқий қанотига қандай ҳужум қилиши мумкинлиги ҳақидаги «режа»ни эълон қилди. Польша Ташқи ишлар вазирлиги ўз ҳудудига немис қўшинларини жойлаштиришга рози бўлган.

НАТО Россия билан тўқнашувни кутмоқда: Польша аллақачон немис қўшинларини мамлакатда жойлаштиришга рози бўлган
Getty Images

Полша немис қўшинларини ўз ҳудудига жойлаштиришга рози, деди Польша ташқи ишлар вазири ўринбосари Анджей Шейна. Ҳозирда Польшада 10 мингга яқин америкалик аскарлар жойлашган.

«Уруш бизнинг шарқий чегарамизда бўлса, иттифоқчиларимизнинг ҳар қандай ёрдами ва ҳамкорлиги имкон қадар мамнуният билан қабул қилинади. Шундай экан, агар немислар Литвада бўлгани каби Польшада ҳам НАТОнинг шарқий қанотини мустаҳкамламоқчи бўлсалар, хуш келибсиз», — деди Шейна Рзеcзпосполита нашрига берган интервьюсида.

Бундан ташқари, Германия Мудофаа вазирлиги ОАВда Россиянинг НАТОга ҳужум қилиш бўйича гўёки «махфий режаси» ҳақидаги хабарларга изоҳ берар экан, ҳатто ўта эҳтимолли бўлмаган сценарийларни ҳам кўриб чиқиш кундалик ҳарбий ишнинг бир қисми эканини айтди, деб ёзади Германиянинг Bild таблоиди.

Аввалроқ Bild немис қуролли кучларининг (Бундесвер) маълум бир «махфий ҳужжати»га таяниб, Россия НАТОнинг шарқий қанотига қандай ҳужум қилиши мумкинлиги ҳақидаги «режа»ни эълон қилган эди.

Германия Мудофаа вазирлигининг «махфий ҳужжати»да Россия ва НАТО ўртасидаги эҳтимолий «можарога йўл» батафсил баён этилган. Россия ва Ғарбнинг ҳаракатлари ойма-ой хроника қилиниб, НАТОнинг юз минглаб қўшинларини жойлаштириш ва 2025 йилнинг ёзида яқинлашиб келаётган уруш бошланиши билан якунланади.

Бўлишиш
Юбориш
Твит ёзиш