Тошкент вилоятида эркак тез ёрдам шифокорини калтаклади
Тошкент вилоятида эркак тез ёрдам шифокорини калтаклади. Чақирувга келган тез ёрдам шифокори бош оғриғидан шикоят қилган бемор томонидан калтакланган.
1 июнь куни соат тахминан 16:35 да тез тиббий ёрдам хизматига Тошкент вилоятида яшовчи 1998 йилда туғилган фуқаро бош оғриғи шикояти билан қўнғироқ қилган. Бу ҳақда Тошкент вилояти ҳокимлиги матбуот хизмати хабар берди.
Маълум қилинишича, 4 дақиқадан сўнг чақирув «Янгиобод» пунктидаги энг яқин тез ёрдам бригадасига ўтказилган. Мазкур бригада шифокори ва фельдшери манзилга соат 16:45 да етиб келган. Бемор шифокорга бош оғриғи, умумий ҳолсизлик ҳақида, шунингдек, буйрак касалликларини даволаш ҳақида гапирган.
Бемор ёндош касалликлар ҳақида сўроқ қилинаётганда, шифокорни ҳақорат қилиб, ўз ишини тезроқ бажаришини талаб қилган. Кейин у бирдан шифокорнинг юзига мушт тушириб, қон кетишига сабабчи бўлган.
Шифокор Тошкент тиббиёт академиясининг юз-жағ хирургияси бўлимига олиб кетилган. Керакли тиббий ёрдам кўрсатилгач, у ўз вазифасига қайтди, бироқ бир мунча вақт ўтгач, бош оғриғи, бош айланиши, кўнгил айниши, умумий ҳолсизлик кузатила бошлади. Шифокор зудлик билан нейрохирургия бўлимидаги тиббий клиникага «ёпиқ бош мия жароҳати» ташхиси билан ётқизилган.
Қайд этилишича, шифокор тегишли органларга ариза ёзса, фуқарога қасддан соғлиғига зарар етказганлик учун жиноят иши қўзғатилади.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.