Chirchiqstroy buzilib, uning o‘rnida innovatsion gimnaziya quriladi
Loyihada 15 mln dollar to‘g‘ridan-to‘g‘ri xorijiy investitsiyalarni o‘zlashtirish, 100 dan ortiq yangi ish o‘rinlarini yaratish va 500 nafar bolaning ta’lim olishini ta’minlash ko‘zda tutilgan.
Chirchiqda 1935-1936-yillarda loyihalashtirilgan sobiq “Chirchiqstroy” mehmonxonasi binosi buzila boshlandi. Bu haqda poytaxt hokimligi matbuot xizmati xabar berdi.
Bino uzoq yillar davomida foydalanilmagan va yaroqsiz holga kelgan. Obyekt o‘rnida prezident qarorlariga muvofiq, Xitoyning yetakchi oliy ta’lim muassasasi filialini qurish rejalashtirilgan.
Binoning avariya holati yuzasidan "Chirchiq innovatsiya gimnaziyasi"ning murojaatiga asosan viloyat Qurilish va uy-joy kommunal xo‘jaligi sohasida nazorat qilish inspeksiyasi bino va inshootlarni ko‘zdan kechirib, 16-yanvar kuni buzilishiga xulosa bergan. Xitoyning Soniya Group kompaniyasi ta’sischiligida “Chirchiq innovatsiya gimnaziyasi” MCHJ tashkil etildi.
Loyihada 15 million dollar to‘g‘ridan-to‘g‘ri xorijiy investitsiyalarni o‘zlashtirish, 100 dan ortiq yangi ish o‘rinlari yaratish, Chirchiq shahrida yashovchi oilalarning 500 nafar farzandini sifatli ta’lim bilan qamrab olish ko‘zda tutilgan.
“Bino 2019 yil oktyabr oyida hukumat tomonidan tasdiqlangan Moddiy madaniy merosning ko‘chmas mulk obyektlari milliy ro‘yxatiga kiritilmagan”, — deyiladi xabarda.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.