4–5-noyabr kunlari toʻqqiz viloyatning togʻli hududlarida sel va suv toshqinlari boʻlishi mumkin — Oʻzgidromet

4–5-noyabr kunlari Oʻzbekistonning togʻoldi va togʻli hududlarida kuchli yogʻingarchilik sababli sel oqimlari va toshqinlar boʻlishi mumkin, deya ogohlantirdi Oʻzgidromet. Ayrim joylarda hududlarni suv bosishi mumkin.

Aholi va togʻga chiqmoqchi boʻlganlar ehtiyot choralariga rioya qilishga chaqirildi.

Xavf quyidagi hududlarda saqlanadi:

• Qashqadaryo viloyati — Yakkabogʻ, Dehqonobod, Chiroqchi, Kitob, Shahrisabz, Kamashi, Gʻuzor tumanlari;
• Surxondaryo viloyati — Sariosiyo, Uzun, Oltinsoy, Denov, Boysun, Sherobod, Shoʻrchi, Qumqoʻrgʻon, Muzrabot tumanlari;
• Samarqand viloyati — Urgut, Samarqand, Bulungʻur, Nurobod, Qoʻshrabot, Kattaqoʻrgʻon, Payariq, Jomboy, Ishtixon tumanlari;
• Navoiy viloyati — Xatirchi, Navbahor, Nurota, Konimex, Karmana tumanlari;
• Jizzax viloyati — Zomin, Baxmal, Gʻallaorol, Sharof Rashidov, Forish, Yangiobod tumanlari;
• Toshkent viloyati — Ohangaron, Boʻstonliq, Parkent, Piskent, Oʻrtachirchiq, Yuqorichirchiq tumanlari, Angren va Olmaliq shaharlari;
• Namangan viloyati — Pop, Kosonsoy, Chortoq, Chust, Namangan, Yangiqoʻrgʻon tumanlari;
• Fargʻona viloyati — Soʻx, Fargʻona, Beshariq tumanlari va Shohimardon;
• Andijon viloyati — Andijon, Asaka, Jalaquduq, Qoʻrgʻontepa, Paxtaobod, Izboskan, Xoʻjaobod, Marhamat tumanlari va Xonobod shahri.

Eslatib oʻtamiz, oktabr oyida Qashqadaryo viloyatida sel Damas avtomobilini oqizib ketgan, yoʻlovchi halok boʻlgan edi.