5 noyabr ob-havosi: Toshkentda +20° gacha va ertalab yomgʻir, togʻlarda qor va sel xavfi

5 noyabr uchun prognozni Oʻzgidromet eʼlon qildi. Mamlakatning togʻoldi va togʻli hududlarida sel va toshqin boʻlishi mumkin.

Toshkent. Tunda va ertalab yomgʻir yogʻishi mumkin, kunduzi yogʻingarchiliksiz. Shamol sharqdan, 3–8 m/s. Tunda 10–12°, kunduzi 18–20° iliq.

Hududlar boʻyicha:

• Qoraqalpogʻiston va Xorazm viloyati: oʻzgaruvchan bulutli, yogʻingarchiliksiz, Qoraqalpogʻistonda kechga yaqin ayrim joylarda yomgʻir. Shamol 9–14 m/s. Tunda 3–8° iliq, Qoraqalpogʻiston shimolida 1–3° sovuq, kunduzi 17–22° iliq.
• Buxoro va Navoiy viloyatlari: oʻzgaruvchan bulutli, yogʻingarchiliksiz. Shamol 7–12 m/s. Tunda 7–12°, kunduzi 20–25° iliq.
• Toshkent, Samarqand, Jizzax va Sirdaryo viloyatlari: tunda va ertalab ayrim joylarda yomgʻir, kunduzi yogʻingarchiliksiz. Shamol 7–12 m/s. Tunda 7–12°, kunduzi 18–23° iliq.
• Qashqadaryo va Surxondaryo viloyatlari: oʻzgaruvchan bulutli, yogʻingarchiliksiz. Shamol 9–14 m/s. Tunda 9–14°, kunduzi 20–25° iliq.
• Andijon, Namangan va Fargʻona viloyatlari: kunning birinchi yarmida ayrim joylarda yomgʻir. Shamol 5–10 m/s. Tunda 7–12°, kunduzi 15–20° iliq.
• Togʻoldi va togʻli hududlar: ayrim joylarda yomgʻir, baʼzi hududlarda kuchli, baland togʻlarda qorga aylanadi, ayrim joylarda tuman. Shamol 7–12 m/s. Tunda 2–7°, kunduzi 13–18° iliq.

Butun mamlakat boʻylab shamol sharqdan esadi. Eslatib oʻtamiz, Oʻzgidromet avvalroq 4–5 noyabrda toʻqqiz viloyatning togʻli hududlarida sel va suv bosishi xavfi haqida ogohlantirgan edi.