Шаҳар ва туман бошқармаларининг тезкор отрядидан ғаввослар жалб қилинган. Уни нафақат ФВҚ ғаввослари, балки кўнгиллилар ва хавотирланган Хўжанд аҳолиси ҳам излашди.
«29 февраль куни қўмита Ўзбекистон Фавқулодда вазиятлар вазирлигига республика ҳудудида қидирув ишларини олиб боришда ёрдам кўрсатиш бўйича сўров хати юборди», — дейилади хабарда.
Тожикистон томонининг сўровига асосан жорий йилнинг 2 мартидан 12 мартига қадар Ўзбекистон Фавқулодда вазиятлар вазирлигининг ғаввос-қутқарув хизмати Сирдарёда қидирув ишларини олиб борди.
Олиб борилган ишлар натижасида 12 март куни соат 15:15 да Ўзбекистоннинг Сирдарё вилояти Ширин шаҳридан оқиб ўтувчи Жанубий Мирзачўл каналининг ўнг қирғоғида қиз боланинг жасади топилди.
Айни вақтда Ўзбекистон қонунчилигига мувофиқ марҳумнинг жасади Сирдарё вилоятининг Боёвут туманидаги тиббиёт муассасаси ўликхонасига топширилган, сўнгра яқинларига топширилади.
