Ижтимоий тармоқларда ҳайдовчи ЙПХ ходимини машинасининг капотида судраб кетаётгани акс этган видео тарқалди.
Пойтахт ИИБ матбуот хизмати воқеа 13 июль куни Тошкент шаҳрида содир бўлганини маълум қилди. Йўл-патруль хизмати ходими ҳайдовчини давлат рақамисиз машина бошқаргани учун тўхтатган.
Бироқ ҳайдовчи ҳуқуқ-тартибот ходимининг талабларига бўйсунмай, қочишга уринган. У ходимни капотда судраб, йўлнинг қарама-қарши чизиғига чиқиб, қизил чироқда хавфли манёврлар билан ҳаракатланган.
Жиноят ишлари бўйича Янгиҳаёт суди ҳайдовчини 15 суткага маъмурий қамоққа олишга ҳукм қилди.
