6 сентябрь куни Ўзбекистон президенти ёрдамчиси Саида Мирзиёева Қорақалпоғистонга ташриф буюрди. У маҳаллий аҳоли муаммоларини жойига чиқиб ўрганиш мақсадида иқтисодий ва ижтимоий аҳволи оғир бўлган ҳудудларга ташриф буюрди.
«Кеча Қорақалпоғистон Республикасида иқтисодий-ижтимоий ҳолати оғир туманларга бордик ва жойлардаги аҳволни ўргандик. Ушбу ҳудудларда яшаётган аҳоли ҳаётини яхшилаш, улар учун муносиб шароит яратиш борасида қилинадиган ишлар ҳали кўп», — дейилади Мирзиёева эълон қилган хабарда.
Эслатиб ўтамиз, Ўзбекистон президенти ёрдамчиси Саида Мирзиёева Қорақалпоғистонни ривожлантириш бўйича вазифалар ижросига масъул этиб тайинланганди. Шавкат Мирзиёев вилоятга 100 млрд сўм маблағ ажратишни ҳам топширган.
