Янги узилган мева ва сабзавотларда иммун тизими, тери, соч ва тирноқлар саломатлигини сақлашга ёрдам берадиган кўплаб фойдали моддалар мавжуд. Булар C витамини, калий, магний, темир ва антиоксидантлардир.
Бутун мева ва сабзавотлардан фарқли ўлароқ, шарбатлар организм томонидан тезроқ ўзлаштирилади, чунки тайёрлаш жараёнида толалар қисман олиб ташланади. Бу овқат ҳазм қилиш муаммолари бўлган одамлар учун фойдали бўлиши мумкин.
Бундан ташқари, таркибида шарбатларга нисбатан кўпроқ тола бўлган смузилар ичак перисталтикасини яхшилашга ва қабзиятнинг олдини олишга ёрдам бериши мумкин. Мева ва резаворлар эса табиий шакарларга бой бўлиб, улар тез қувват беради, бу айниқса эрталаб ёки машғулотдан кейин фойдали ҳисобланади.
Шу билан бирга, ҳатто табиий мева шарбатлари ҳам қонда глюкоза даражасининг ошишига олиб келиши мумкин бўлган кўп миқдордаги шакарларни ўз ичига олади, деб таъкидлади мутахассис. Бу, айниқса, банан, узум ва манго каби ширин меваларга тааллуқли, дея қўшимча қилди у.
Шарбат тайёрлашда толаларнинг катта қисми йўқолади, бу эса тўқлик ҳиссини пасайтиради ва ортиқча овқатланишга олиб келиши мумкин. Толалар овқат ҳазм қилиш тизими саломатлигини сақлашда ҳам муҳим аҳамиятга эга
Бундан ташқари, баъзи одамлар маълум турдаги мева ва резаворларга аллергик реакцияларни бошдан кечиришлари мумкин, деб огоҳлантирди «Лента.ру» суҳбатдоши. Тўлақонли овқатланиш ўрнига жуда кўп шарбат ва смузи истеъмол қилинса, оқсиллар, ёғлар ва бошқа муҳим озиқ моддалар танқислигига дуч келиш мумкин.
