Yevropa tiklanish va taraqqiyot banki (YTTB) yangi elektr uzatish liniyasini qurish uchun 66,4 million dollargacha (63,9 million yevro) kredit ajratgan holda O‘zbekiston energiya ta’minotining ishonchliligi va barqarorligini yaxshilashni qo‘llab-quvvatlamoqda. Ushbu loyiha Xorazm viloyatidagi Sarimoy va Navoiy viloyatidagi Muruntov o‘rtasida 230 km yuqori kuchlanishli (500 kV) liniyani yotqizishni o‘z ichiga oladi, bu mamlakatning shimoli-g‘arbiy va janubi-g‘arbiy hududlari o‘rtasidagi aloqani yaxshilash imkonini beradi.
Ushbu liniyaning qurilishi, ayniqsa, eng yuqori iste’mol davrlarida elektr uzilishlarini kamaytirishga yordam beradi va energiya tizimidagi tor joylarni bartaraf etadi. Bundan tashqari, loyiha YTTB ko‘magida ishlab chiqilgan O‘zbekistonning kam uglerodli energiya strategiyasi doirasida qayta tiklanadigan energiya manbalarining integratsiyasini qo‘llab-quvvatlaydi.
Loyiha issiqxona gazlari chiqindilarini yiliga 4 143 tonnaga va elektr energiyasi yo‘qotishlarini yiliga 34 636 MVt soatga kamaytirishi kutilmoqda. O‘zbekistonda o‘z faoliyatini boshlaganidan buyon YTTB 171 ta loyihaga 5,3 milliard yevrodan ortiq sarmoya kiritdi.
