25-dekabr kuni Toshkentda ulkan fleshmob bo‘lib o‘tadi — poytaxt markazi bo‘ylab Qorbobo va Qorqizning sehrli liboslarida mingga yaqin odam o‘tadi.
Poytaxt hokimligi fleshmob soat 12:00 da Brodveydan boshlanib, Istiqlol ko‘chasi bo‘ylab Alisher Navoiy nomidagi Milliy kutubxona yonidagi maydondagi bosh archagacha davom etishini ma’lum qildi.
“Betakror bayramona lahzalarni birgalikda yaratish uchun bizga qo‘shiling! Oilangiz va do‘stlaringiz bilan keling, kameralaringizni tayyorlang — sizni haqiqiy sehrli onlar kutmoqda: ajoyib musiqa va tomoshalar hamda, albatta, ertak qahramonlari!” — deya xabar berdi shahar hokimligi matbuot xizmati.
Yangi yil paradi Konstitutsiya (Brodvey) ko‘chasidan boshlanib, Istiqlol ko‘chasi bo‘ylab Milliy kutubxonaga tutash maydondagi bosh archagacha davom etadi.
