15-noyabr kuni AQSH Moliya vazirligi Rossiya tomonidan sanksiyalarni chetlab oʻtishning oldini olishga qaratilgan yangi cheklovlar paketi doirasida Qirgʻizistonning “Keremet Bank”iga qarshi sanksiyalar kiritdi.
Sanksiyalar roʻyxatiga 150 ta jismoniy va yuridik shaxs qoʻshildi, ular orasida “Keremet Bank” Qirgʻizistonning yagona vakiliga aylandi. Cheklovlarning kiritilishi sababi sifatida bank xodimlarining kamida 2024-yilning yozida boshlangan Rossiya rasmiylari va “Promsvyazbank” OAJ bilan hamkorligi koʻrsatilgan. Shuningdek, 2024-yilda bankning nazorat paketini sotib olgan xorijiy kompaniya rossiyalik tadbirkor bilan aloqada ekani maʼlum qilindi.
“Keremet Bank” AQSH Moliya vazirligining qarori ustidan shikoyat qilish niyatida ekanligini eʼlon qildi. Bank vakillari tashkilot har doim milliy va xalqaro qonunlarga muvofiq, shaffoflik va masʼuliyat tamoyillariga amal qilgan holda faoliyat yuritishini taʼkidladi.
