JSST past va oʻrta daromadli mamlakatlar bolalariga onkologik dorilarni bepul olish imkonini beruvchi yangi platformani ishga tushirdi.
Dori-darmonlarning birinchi partiyasi allaqachon Oʻzbekiston va Moʻgʻulistonga yetkazilgan, tez orada esa Ekvador, Iordaniya, Nepal va Zambiyaga yetkazib berilishi kutilmoqda. Birinchi bosqichda dastur besh mingga yaqin bolani qamrab oladi.
Yaqin 5-7 yil ichida JSST tashabbusni 50 ta mamlakatga kengaytirib, 120 ming bolani zarur dori-darmonlar bilan taʼminlashni rejalashtirmoqda. Yetkazib berish tajriba loyihasi yakunlanganidan keyin ham davom etadi.
Dastur AQSHdagi Avliyo Iuda bolalar tadqiqot shifoxonasi koʻmagida amalga oshirilmoqda, u buning uchun 200 million dollar ajratgan.
Eslatib oʻtamiz, Oʻzbekistonda ham farmatsevtika sanoatini raqamlashtirish, startaplarni qoʻllab-quvvatlash va biologik faol qoʻshimchalar ishlab chiqarishni jadallashtirish rejalashtirilgan. Shuningdek, istiqbolli loyihalarni moliyalashtirish uchun jamgʻarmalar tashkil etiladi, Farmatsevtika mahsulotlari xavfsizligi markazi laboratoriyasi JSST tomonidan qayta malakalanadi.
