Oʻzbekiston Pokistonga asal yetkazib berishni yoʻlga qoʻyadi

O‘zbekiston

Oʻzbekiston Pokistonga asal yetkazib berishni rejalashtirmoqda. Birinchi bosqichda mamlakat 5 tonnadan joʻnatish, keyinchalik esa eksportni 20 tonnaga yetkazish niyatida.

Foto: Savdo-sanoat palatasi

12-fevral kuni Oʻzbekiston Savdo-sanoat palatasi vakillari va Oʻzbekiston asalarichilar uyushmasi raisi Erkin Nazarov amaliy tashrif bilan Pokistonda boʻldi.

Delegatsiya ishlab chiqarish jarayonlari, sex va laboratoriyalar ishini oʻrganish maqsadida Adam Tradi va Marhaba asalni qayta ishlash zavodlariga tashrif buyurdi.

Tashrif doirasida asal mahsulotlarini ishlab chiqarish va qayta ishlash bilan shugʻullanuvchi korxonalar rahbarlari bilan uchrashuvlar oʻtkazildi. Muzokaralar davomida Oʻzbekistonda yetarli miqdorda asal mahsulotlari zaxirasi mavjudligi va uni eksport qilish imkoniyatlari muhokama qilindi.

Pokistonga asal va asalarichilik mahsulotlarini dastlab 5 tonna hajmida, bosqichma-bosqich 20 tonnagacha eksport qilish masalalari koʻrib chiqildi.

Avvalroq Oʻzbekistonda kartoshka narxining pasayishiga Pokistondan kartoshka importi sabab boʻlgani haqida xabar berilgandi.

Muhim yangiliklarni oʻtkazib yubormang!

Asosiy voqealardan birinchi boʻlib xabar topish uchun Telegram kanalimizga obuna boʻling.