Oʻzbekistondagi bir qator davlat shifoxonalari 24 soatlik ish rejimini boshladi.
Endilikda respublika ilmiy-amaliy tibbiyot markazlari va ularning filiallari uzluksiz ishlamoqda. Bemorlar kunning istalgan vaqtida MRT, KT, MSKT va boshqa tekshiruvlardan oʻtishlari mumkin.
Avvalroq Toshkentdagi Respublika shoshilinch tibbiy yordam markazi va Milliy tibbiyot markazida 24 soatlik ish rejimi joriy etilgandi.
Imtiyozli toifaga kiruvchi fuqarolar uchun shoshilinch va kechiktirib boʻlmaydigan tibbiy yordam bepulligicha qoladi, qolgan hollarda xizmatlar pullik asosda koʻrsatiladi.
Avvalroq Oʻzbekiston va Belarus tibbiyot va farmatsevtika sohalarida hamkorlikni rivojlantirayotgani haqida xabar berilgandi. Oʻzbekiston onalik va bolalikni muhofaza qilish sohasida Belarus tajribasini oʻrganmoqda, shuningdek, Belarus dori vositalarini ishlab chiqarishni mahalliylashtirish masalasini koʻrib chiqmoqda.
