7-fevral kuni UPL muxbiri maktab oʻquvchilari va ularning ota-onalari oʻrtasida soʻrov oʻtkazdi, unda 2238 kishi ishtirok etdi. Respondentlarga Oʻzbekiston maktablaridagi taʼlim darajasini uchta javob variantidan birini tanlash orqali baholash taklif etildi.
Natijalar shuni koʻrsatdiki, soʻralganlarning aksariyati islohotlarga tanqidiy munosabatda. 66,18% (1481 kishi) fikricha, oʻzgarishlar oʻquv jarayoniga salbiy taʼsir koʻrsatmoqda, oʻqituvchilar va oʻquvchilarning koʻp vaqtini olmoqda. Yana 9,52% (213 respondent) maktablarda haqiqiy oʻzgarishlar boʻlmagani va islohotlar faqat qogʻozda qolayotganini taʼkidladi. Shu bilan birga, 24,31% (544 kishi) vaziyatni ijobiy baholab, taʼlim sharoitlari yaxshilanganini taʼkidladi.
Shunday qilib, soʻrov maktab oʻquvchilari va ota-onalarning katta qismi taʼlim tizimidagi hozirgi oʻzgarishlardan qoniqmasligini koʻrsatdi. Avvalroq oʻzbekistonlik oʻquvchilarni energiya resurslarini tejashga oʻrgatish rejalashtirilayotgani haqida xabar berilgandi.
Avvalroq Xalqaro tiklanish va taraqqiyot banki (ITB) Oʻzbekistonga taʼlim tizimi va yoʻllar holatini yaxshilash uchun qariyb 300 million dollar miqdorida moliyaviy yordam koʻrsatishi haqida xabar berilgandi.
