IT Park matbuot xizmati Tokioda vakolatxona ochish rejalari haqida xabar berdi. Ofis Digital Knowledge kompaniyasi binosida joylashtiriladi. Firma bosh direktori Noguchi Yasuyuki bilan uchrashuvda tomonlar ochilish marosimiga tayyorgarlik ko‘rish va O‘zbekistonda autsorsing bo‘yicha bo‘lajak konferensiyani muhokama qildilar.
Vakolatxonaning tashkil etilishi O‘zbekiston IT-mutaxassislari va kompaniyalarining Yaponiya bozoriga kirishini osonlashtiradi. Bundan tashqari, IT Park va Digital Knowledge qo‘shma loyihalarni rivojlantirish va Yaponiya IT-kompaniyalarini O‘zbekistonga jalb qilish bo‘yicha kelishib oldilar.
Mart oyida IT Park delegatsiyasi Yaponiyaga jo‘nab ketadi, u yerda Tokio, Osaka va Nagoya shaharlarida ishbilarmonlik uchrashuvlari rejalashtirilgan.
Digital Knowledge kompaniyasi texnoparkning asosiy hamkorlaridan biri hisoblanadi. U O‘zbekistonda raqamli kasblar, yapon tili va mutaxassislarga yapon kompaniyalarida ish topishda yordam beradigan Japan Digital University’ga asos solgan.
Avvalroq Shavkat Mirziyoyev Yaponiya bosh vazirining maxsus maslahatchisi Akixisa Nagashima boshchiligidagi delegatsiyani qabul qilgandi. O‘zbekiston-Yaponiya do‘stlik va strategik sheriklik munosabatlarini yanada mustahkamlashning dolzarb masalalari ko‘rib chiqildi.
