Poytaxtdagi The Tower Hotel mehmonxonasi kiraverishidagi mushtlashuvda jiddiy jarohat olgan Boris Avakyan komadan chiqdi. Bu haqda uning rafiqasi Kamila Avakyan maʼlum qildi.
“Barchaning yordami bilan sevimli insonim komadan chiqdi. Ahvoli barqaror ogʻir, hali gapirmaydi, hushyorligi yoʻq, xulq-atvori noadekvat, reanimatsiyada. Davolanish davom etmoqda”, — deb yozdi u ijtimoiy tarmoqda.
16-martga oʻtar kechasi Toshkentdagi The Tower Hotel mehmonxonasining yuqori qavatida joylashgan “12” bariga kiraverishda mushtlashuv sodir boʻldi, natijada Boris Avakyan boshidan jiddiy jarohat oldi va komaga tushdi. Jabrlanuvchi qizni Qozogʻiston hududida qoʻlga olingan Akmal Shukurovning tajovuzkor xatti-harakatlaridan himoya qilishga uringan.
Gumonlanuvchi 21-mart kuni Toshkentga ekstraditsiya qilingan. Hozirda tergov harakatlari olib borilmoqda.
