Boshqa mashinaning yoʻlini toʻsgan: Samarqanddan tarqalgan video qanday yakunlandi
Samarqandda ijtimoiy tarmoqlardagi videodan soʻng Spark avtomobilini boshqargan ayolga nisbatan maʼmuriy bayonnoma rasmiylashtirildi. Videoda mashina Amir Temur koʻchasida ataylab boshqa haydovchining yoʻlini toʻsgan va avariya holatlarini yaratgan, deya xabar berdi viloyat YHXB.
Samarqand viloyati IIB Yoʻl harakati xavfsizligi boshqarmasi ijtimoiy tarmoqlarda tarqalgan videodan soʻng koʻrilgan choralar haqida maʼlum qildi.
Yozuvda Spark avtomobili haydovchisi Amir Temur koʻchasida ataylab avariya holatlarini yaratgan va boshqa mashinaning yoʻlini toʻsgan. Tekshiruv natijasida rulda ayol boʻlgani aniqlandi.
Unga nisbatan Maʼmuriy javobgarlik toʻgʻrisidagi kodeksning haydovchilar tomonidan toʻsqinlik va avariya holatlarini yaratish hamda qarama-qarshi harakat boʻlagiga chiqish haqidagi moddasi boʻyicha maʼmuriy bayonnoma rasmiylashtirildi.
Eslatib oʻtamiz, Toshkentda mashinalardan tushib koʻchani toʻsgan sakkiz nafar toʻy mehmoni 7 sutkaga qamalgan edi.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.