Kechasi joylarda sovuq, togʻlarda qor: chorshanba kuni ob-havo qanday boʻladi

Chorshanba, 11-noyabr kuni mamlakatning ayrim joylarida yomgʻir, baʼzi hududlarda kuchli yomgʻir yogʻadi, deb xabar berdi Oʻzgidromet. Togʻlarda yogʻingarchilik qorga aylanadi, sel va toshqinlar boʻlishi mumkin.

Toshkentda kechasi va ertalab vaqti-vaqti bilan yomgʻir yogʻadi, kunduzi yogʻingarchiliksiz. Gʻarbiy shamol 3–8 m/s. Harorat kechasi 5–7, kunduzi 8–10 daraja iliq.

Viloyatlar boʻyicha ob-havo:

• Qoraqalpogʻiston va Xorazm viloyati: oʻzgaruvchan bulutli, yogʻingarchiliksiz, Qoraqalpogʻistonning ayrim hududlarida qor yogʻishi mumkin; shamol 7–12 m/s; kechasi 2–7 daraja sovuq, kunduzi 3–8 daraja iliq;
• Buxoro va Navoiy viloyatlari: oʻzgaruvchan bulutli, yogʻingarchiliksiz; kechasi 3 daraja sovuqdan 2 daraja iliqqacha, kunduzi 7–12 daraja iliq;
• Toshkent, Jizzax va Sirdaryo viloyatlari: yomgʻir, joylarda kuchli; kechasi 3–8, kunduzi 7–12 daraja iliq;
• Samarqand viloyati: kechasi va ertalab yomgʻir, joylarda kuchli, kunduzi yogʻingarchiliksiz; kechasi 3–8, kunduzi 7–12 daraja iliq;
• Qashqadaryo va Surxondaryo viloyatlari: kechasi va ertalab yomgʻir, joylarda kuchli, kunduzi yogʻingarchiliksiz, shamol joylarda 13–18 m/s gacha kuchayadi; kechasi 3–8, kunduzi 8–13 daraja iliq;
• Andijon, Namangan va Fargʻona viloyatlari: yomgʻir, joylarda kuchli, shamol joylarda 13–18 m/s gacha kuchayadi; kechasi 3–8, kunduzi 7–12 daraja iliq;
• togʻoldi va togʻli hududlar: yomgʻir qorga aylanadi, joylarda kuchli, tuman, sel kelishi mumkin; kechasi 5–10 daraja sovuq, kunduzi 0–5 daraja iliq.

Eslatib oʻtamiz, bir kun avval butun mamlakat boʻylab momaqaldiroqli yomgʻirlar yogʻgan edi.