Мени ҳоким этиб тайинлаш масаласини ҳурматли президентимиз Шавкат Миромонович ҳал қилади, ишдан бўшатиш масаласи ҳам унинг қўлида. Нега мени ҳоким қилиб тайинладингиз, деб президентдан сўрамадим. Ва мен нима учун у мени ишдан бўшатганига шубҳа қилмадим ва сўрамадим. Лекин, тўғрисини айтсам, кўп камчиликларим бўлган, хатоларим ҳам кўп. Чунки мен илгари сиёсатда ишламаганман, умуман давлат идораларида ишламаганман. Биз қўлимиздан келганини қилдик, лекин хатолар кўп бўлди, гарчи уларнинг олдини олиш учун имкониятлар мавжуд эди. Буни кетганимдан кейин англадим. Мен шахсан президентдан кечирим сўрадим, — деди у.
Унинг сўзларига кўра, хатолар фақатгина энергетика масаласида, яъни 2023 йил бошидаги энергетика инқирозида эмас эди.
Хатолар фақат энергетика масаласида эмас эди. Шунинг учун бўлса керак. Тўғрисини айтсам, мен президент қарорларини муҳокама қилмайман, нафақат ўзимга тегишли қарорларни, бошқаларини ҳам — деди Ортиқхўжаев.
Унинг сўзларига кўра, у Тошкент ҳокимлигидан кетганидан хафа бўлмаган ва сиёсатни соғинмайди.
Агар сиз шундай жойни тарк этсангизу, атрофингизда ҳеч ким бўлмаса, борадиган жойингиз ҳам, қиладиган ишингиз ҳам йўқ бўлса, бундай одамлар учун ҳокимиятни тарк этиш ўлим билан баробар. Балки. Аммо менинг боришим керак бўлган жой бор, лойиҳалар бор. Ҳозир президент топшириғи билан Сурхондарёда лойиҳани амалга ошираяпман, — дейди Жаҳонгир Ортиқхўжаев.
Собиқ ҳоким оиласи билан Туркияга, кейин эса Цингапурга таътилга чиққани учун ишдан бўшатилганидан сўнг ҳибсга олингани ҳақидаги нотўғри хабарлар тарқалганини ҳам тушунтириб ўтган.
