2024 йил январь ойида Ўзбекистонда 94,5 млрд сўмлик табиий газ ва электр энергияси ўғирланган. Бу ҳақда «Ўзэнергоинспекция» хабар берди.
Маълум қилинишича, январь ойида ўтказилган назорат тадбирлари давомида электр энергияси ва табиий газдан ноқонуний фойдаланаётган 995 нафар истеъмолчи аниқланган. 20 млн 486 минг кВт/соат электр энергияси, 47 млн 387 минг куб метр табиий газ ўғирланган. Натижада давлатга 94 миллиард 542 млн сўм зарар етказилди.
Республиканинг барча ҳудудларида инспекция томонидан 24 969 та профилактика тадбирлари ўтказилди. Энергия ресурсларидан фойдаланиш қоидаларини бузиш билан боғлиқ ҳуқуқбузарликлар бўйича 937 та маъмурий иш қўзғатилди.
14 та давлат корхона ва муассасасида энергия тежамкорлиги, авариялар даражаси ва техника хавфсизлиги қоидаларига риоя этилиши юзасидан назорат тадбирлари ўтказилди. Етказиб берувчи корхоналар томонидан амалга оширилган ишлар давомида 1540 та объект ва 2565 та ижтимоий объект ўрганилди.
