Тошкент шаҳри Чилонзор туманида биринчи хай-тек масжид реконструкциядан сўнг фойдаланишга топширилди. Бу ҳақда туман ҳокимлиги матбуот хизмати хабар берди.
Ўзбекистон мусулмонлари идораси авваллари бино тор бўлиб, кириш жойи ноқулай бўлгани ва бу зиёратчилар учун қийинчилик туғдирганини таъкидлади.
Намозхонлар учун зарур шарт-шароит ва қулайликлар яратиш мақсадида барча эҳтиёжлар ҳисобга олинган ҳолда масжид қайта қурилган. Шу билан бирга, реконструкция жараёнида замонавий архитектура ечимлари, қурилиш материалларидан фойдаланилган.
Бугунги кунда масжид 4,5 мингга яқин одамни сиғдира олади.
Масжиднинг бино ва иншоотларини лойиҳалаш, қуришда юқори технологиялардан, тўғри чизиқлар ва шакллардан, шиша, пластмасса, металлдан кенг фойдаланилган. Бинонинг ташқарисида функционал унсурлар (лифтлар, зинапоялар, шамоллатиш тизимлари ва бошқалар) энг юқори технологияларга асосланиб қурилган.
Тошкентда хай-тек услубдаги биринчи масжид очилди
Тошкент шаҳри Чилонзор туманида хай-тек услубида қурилган масжид реконструкциядан сўнг фойдаланишга топширилди. Ҳокимликнинг маълум қилишича, бино бир вақтнинг ўзида 4,5 минг нафар намозхонни қабул қилиши мумкин.
![Тошкентда хай-тек услубдаги биринчи масжид очилди](/_next/image?url=https%3A%2F%2Fvzglyad.uz%2Fwp-content%2Fuploads%2F2024%2F03%2Fudyqeax8u6ggpqrrbglawjpuxxdfqyzr_front.jpg&w=1536&q=75)