Қўқон аэропортини реконструкция қилиш учун 156 млрд сўм (~12,4 млн доллар) сарфланди, деб хабар қилди Транспорт вазирлиги матбуот хизмати.
Бу маблағлар учиш-қўниш йўлаги узунлигини 2 минг метрга етказиш ва йўловчиларни қабул қилиш учун майдони 900 квадрат метр бўлган ва 100 кишига мўлжалланган янги терминал қуришга сарфланди.
Эслатиб ўтамиз, 20 март куни эрталаб ҳаво бандаргоҳи ўзининг биринчи техник парвозини қабул қилди — «Uzbekistan Airways» авиакомпаниясининг А-320 NEO самолёти экипажи қўнди. Мунтазам парвозларни 2024 йил 1 апрелдан бошлаш режалаштирилган.
