Унинг сўзларига кўра, мактаб директори Сарвар Насриддинов ҳар бир ўқитувчидан 3 тадан сим-картасиз паспорт топиб, сим-карта сотиб олиб, ушбу муассасага «Очиқ бюджет»да овоз беришни талаб қилган.
Айни пайтда мазкур лойиҳада 3 минг 471 нафар овоз олган мактаб вилоятдаги етакчи муассасалардан бири ҳисобланади.
Ўқитувчи тақдим этган скриншотлардан кўриниб турибдики, синф раҳбарлари ўз синфидаги ҳар бир ўқувчи учун 5 тадан, синф раҳбари бўлмаган фан ўқитувчилари эса жами 30 та овоз тўплаши керак.
«Масалан, 30 нафар ўқувчиси бор синф 150 та овоз тўплаши керак. Ҳозирдан режа бошланди. Бугунгача тўпланганлари ўтди, ҳозирдан старт кетди. Ўқувчилар сони ва режаси юбориляпти», — деди у.
Шунингдек, у Сарвар Насриддинов мактабда товуқхона ташкил қилиб, ўқитувчи ва ўқувчилардан товуқ олиб келишни талаб қилганини таъкидлади.
Андижон вилояти мактабгача ва мактаб таълими бошқармаси «Взгляд.uz»га маълум қилишича, ишчи гуруҳ мактабда бўлиб, ўқитувчилар, ўқувчилар ва мактаб ўқувчиларининг ота-оналари ўртасида аноним сўровнома ташкил қилган.
«Бу овозлар ўқитувчиларнинг ота-оналар билан фаол ҳамкорлиги, маҳаллада яшовчи туб аҳолининг иштиёқи туфайли тўпланди. Директор ҳеч кимни мажбурламаган ва овозларни йиғиш режасини тузмаган», — деди бошқарма.
Шунингдек, матбуот хизмати мактабнинг бўш ер майдонидан фойдаланиш мақсадида 60 та қушдан иборат «Тирик бурчак» ташкил этилганини таъкидлади. Бироқ бу жойларни товуқларга мажбуран тўлдириш, пул йиғиш ҳоллари кузатилмаган.
Мактаб раҳбарияти ва жамоасига барча овоз бериш жараёнларини ихтиёрий асосда ташкил этиш бўйича кўрсатмалар берилди.
